CAGAYAN DE ORO CITY-Gisugyot ni San Simon Brgy Kapitan Rodolfo Nacario nga ibalhin ang sanitary landfill nga nahimutang sa Brgy Pagalungan ning syudad.
Si Nacario miingon nga nakaapekto sa panglawas sa mga residente ang maong basurahan hinungdan nga mas maayo kini nga i-relokar.
Siya miingon nga angayang ibutang ang basurahan sa mga lugar nga layo sa kasubaan aron dili maghatag peligro sa katawhan.
Una nang gireklamo sa mga residente ang duga sa basurahan nga nag-leak hinungdan nga gipangkagid ang mga residente ug adunay nahitabong fishkill.
