Miapelar sa kusog nga panawagan si Santo Papa Leon XIV sa Iran ug Israel nga magpakita sa responsibilidad ug rason taliwala sa ilang padayon nga panagbangi.
Sa iyang pamahayag sa St. Peter’s Basilica atol sa Jubilee of Sport, miingon ang Santo Papa nga sa panahon sa delikado nga kahimtang, gusto niyang subli-on ang iyang panawagan nga unta mahimong responsabli ang duha ka nasud sa ilang mga desisyon ug mugamit sa hustong pangutukan aron walay maangol ug mamatay sa ilang tensyon.
Mipadayag sa dakung kabalaka ang Santo Papa sa kasamtangang kahimtang, diin gikompirma nga daghang sibilyan ang nangamatay na ug ang uban, padayong nakigbisog sa ilang kinabuhi sulod sa mga balay tambalanan.
Gipamugos ni Pope Leo nga ang kalibutan kinahanglan magpadayon sa paningkamot sa pagtukod sa mas luwas nga kalibutan, nga gawasnon sa hulga sa nuclear weapons, pinaagi sa tinuoray nga dayalogo ug respeto sa usag usa.
Matod pa niya, “No one should ever threaten the existence of another.”
Gihangyo sa Vaticano ang tanang nasud nga suportahan ang iyang panawagan sa kalinaw, pinaagi sa pakig-uli (reconciliation), seguridad, ug dignidad alang sa tanan.
Malaumon ang Santo Papa nga malikayan pa ang mas lawom nga gubat kung ipasiugda ang hustisya ug panaghiusa isip pundasyon sa kalinaw.
