Naguol ug maayo si Santo Papa Leo sa nadangatan sa minilyong ihap sa biktima sa Bagyong Melissa sa Caribbean Region.
Kagahapon, iyang gipadayag ang iyang pagsubo sa mga nangamatay ug misimpatiya sa mga nawad-an sa ilang mga puy-anan human gikuso-kuso sa category 5 hurricane ang Jamaica, Mipadayag si Papa Leo sa iyang kaduol ug simpatiya sa mga biktima sa Bagyong Melissa, nga misangko sa Cuba human sa pagbilin og dakong kadaut sa silingang nasod nga Jamaica.
Kini nga bagyo giila nga labing kusog nga bagyo nga miigo sa nasod sa Jamaica sa kasaysayan sa Caribbean.
Gihangyo sa Santo Papa ang mga awtoridad nga buhaton ang tanang mahimo aron matabangan ang mga naapektuhan sa kalamidad.
Nagpadayag usab siya sa pag-ampo alang sa kaluwasan ug kalig-on sa mga komunidad nga grabe ang natandog sa maong katalagman.
