Gikasuhan sa tax evasion si Sarah Discaya human pormal nga maipasaka sa korte ang kaso batok kaniya, sumala sa Department of Justice.
Ang kaso may kalabutan sa giingong kakulang o paglikay sa hustong pagbayad sa buhis base sa mga dokumentong gisusi sa mga piskal.
Miingon ang DOJ nga nakit-an nila ang igo nga basihan o probable cause aron ipadayon ang kaso batok kang Sarah Discaya.Samtang ang iyang bana nga si Curlee Discaya, wala pa una kinasuhan sa pagkakaron.
Gipatin-aw sa DOJ nga ang dili pagkakaso batok kang Curlee Discaya tungod sa mosyon nga gisumite sa iyang kampo nga gihulat pa og pinal nga resolusyon. P
adayon gihapon ang proseso sa korte, ug ang husgado na ang magbuot sa kahimtangan sa kasong gisang-at batok kang Sarah Discaya. (James oliver)
