CAGAYAN DE ORO CITY – Dili na kuwestiyon sa mga magbabalaod ilabina sa mga kongresista ang hukom sa mga mahistrado sa korte suprema nga miila nga kontra-konstitusyon ang balaod nga nahimo nila aron masibog ang iskedyul sa brgy ug sk elections sa nasud.
Kini human girason sa mga magbabalaod nga angayang masibog ang Disyembre 2022 schedule kay bag-o pa ang presidential elections ug dako’g gasto ang gobierno.
Miingon si Cagayan de Oro 2nd District Cong. Rufus Rodriguez kinsa usa sa petitioner nga masibog ang brgy election nga pasagdan na nila ang hukom sa korte suprema kay importante kanila nga may mahitabo gihapon nga piliay sa Oktobre 30 ning tuiga.
Hisayrang gi-deklara nga kontra konstitusyon sa korte ang balaod apan padayon gihapon ang piliay sa brgy.
