CAGAYAN DE ORO CITY-Gikalipay ni Pres Rodrigo Duterte ang pag-ila sa korte suprema nga legal ang iyang pag-deklarar sa martial law sa Mindanao.
Kini tungod sa gihimo nga pag-atake sa mga teroristang Maute-ISIS aron unta sakupon ang Marawi City,Lanao del Sur.
Gihimo ni Duterte ang pahayag sa iyang paghata’g pasidungog ang 22 ka sundalo nga kabahin sa nakasikop sa pipila ka sakop sa Maute- ISIS atol sa pagbisita niini sa Camp Bahian sa Malaybalay City,Bukidnon kagahapong adlawa.
Kabahin sa gihatagan sa Bronze Anahaw Leaf ug Bronze Spearhead Device sila 2Lt Julius Labay;2Lt Vincent Mark Labo, 2Lt Erwin Babang ug usa ka Sgt. Esmael.
Dugtong niini,nakahatag sa dugang pagtaas sa morale sa kasundaluhan ang subli pagduaw ni Duterte ubos sa 4th ID,Philippine Army dinhi sa rehiyon.
Gihimo ni 4th ID commanding officer Brig/Gen Benjamin Madrigal Jr ang pahayag atol sa pagduaw ni Pres Duterte sa ilang tropa sa Camp Bahian nga nakabase sa Malaybalay City,Bukidnon.
Dugang ni Madrigal nga subli gipasalig ni Duterte sa mga sundalo ang pahatag sa ilang panginahanglan ilabina sa gamit nga pag-alkontra batok sa tanang pundok nga nagtinguha paglumpag sa gobierno.
