CAGAYAN DE ORO CITY – Obligado ang tanang gitawag nga govt instrumentalities pagsunod sa matag-kamanduan nga ilugwa sa korte suprema epekto sa gilantugian nga isyung-legal sa magkaatbang nga partido o grupo nga ubos sa hurisdiksyon sa gobiernong-Pilipinhon.
Kini ang reaksyon ni Intergrated Bar of the Philippines -Misamis Oriental chapter board of director Atty. Rhobert Maestre sa hingpit nang paghikling sa senado sa impeachment case ni Vice Pres Sara Duterte nga unang deklarado nga unconstitutional sa 13 ka mahistrado sa Korte Suprema.
Miingon si Maestre nga mahimong ma-kuwestiyon ug ma-komentuhan ang hukom sa taas nga hukmanan apan dili mahitabo nga supakon kini sa mga dehadong mga grupo.
Siya miingon nga nahatagan na sa higayon nga makatubag ang kamarabaha sa sumbong ni VP Sara sa korte suprema,rason nga kung wala sila’y bag-o nga mga ebedensiya ug mga argumento,pabiling kontra-konstitusyon ang impeachment case nga ilang gipamugos.
