CAGAYAN DE ORO CITY – Malampusong napahunong sa Magsaysay Municipal Police Station ang ilegal nga pagpangalot sa endangered clams o taklobo sa Magsaysay Misamis Oriental.
Kini ang gibutyag ni Police Major Duyle Buenaflor, hepe sa Magsaysay MPS human nga mikatag ang report nga dunay gapamalit sa mga endangered nga taklobo.
Namugos si Buenflor nga igo ra giilad ang mga buyers sa mahalong taklobo hinungdan nag walay nahitabong transakyon.
Base sa inisyal nga imbestigasyon sa kapulisan, pulos mga laraw nga ibaligya sa mga langyaw’ng buyers ang ilang giant taklobo sa kantidad nga P80,000 matag kilo.
Kung mahinumduman, hugot ang kampanya sa Bureau of Fisheries and Aquatic Resources batok sa ilegal nga pagpamaligya sa giant clams kay tipik na kini sa endangeresd species sa Pilipinas.
