Gipahimangnoan ni DSWD Region 10 Information Officer Roshiel Galia ang mga PUV drivers — lakip na ang jeepney, taxi, ug delivery drivers — nga magbantay sa nagkadaiyang pamaagi sa panikas samtang naghulat sa ilang bahin sa ayuda.Matud niya, daghang mga scam ang naggamit og social media ug nagpakaaron-ingnon nga konektado sa DSWD. Busa gi-awhag ang publiko nga mosalig lamang sa opisyal ug lehitimong sources sa impormasyon sama sa opisyal nga Facebook pages ug credible media outlets.Gipasabot usab ni Galia nga ang DSWD dili mangayo og bayad o personal nga transaksyon pinaagi sa online messages, ug ang tanang proseso sa ayuda moagi gayod sa pormal nga sistema sa gobyerno. Gipahimangnoan karon sa buhatan ang mga drayber nga magpabilin nga mabinantayon ug dili dayon motuo sa mga mensahe nga walay klarong basehan aron malikayan ang pagpahimulos sa ilang kahimtang. (James Oliver)
