CAGAYAN DE ORO CITY-Gikasuhan na sa kasong paglapas sa Sec 5 ug Sec 11 sa RA 9165 o mas nailang Dangerous Drugs Act of 2002 ang 3 ka drug personalities nga nadakpan sa mga operatiba sa Macasandig Police Station sa ilang gilusad nga drug buy bust operation ning syudad.
Maoy target sa operasyon ang usa ka Rowena alyas “Weng” Rodriguez, 36 anyos, balo ug notadong nagbaton sa drug den sulod sa iyang panimalay.
Sikop usab sa susamang operasyon ang usa ka Niera Nario, 56 anyos ug nagsilbing coordinator sa scholarship program ni Cagayan de Oro 2nd District Cong Maximo Rodriguez ug si Lemuel Susasco, 21 anyos ug silang tanan molopyo sa Bgry 36 ning syudad.
Nakuha sa posisyon sa mga suspek ang tolo sa pakete nga may sulod sa gidudahang shabu, ubay ubay ka mga ginamitan nga plastic sachet nga may crystalline residue ug drug paraphernalia.
