CAGAYAN DE ORO CITY – Balik na sa normal ang klase sa mga tunghaan sa Kadingilan Bukidnon ning adlawa.
Kini human nahupay na ang gibating kabalaka nga kahadlok sa katawhan dihang gitay-og sa 5.9 magnitude nga linog sa milabay’ng semana.
Miingon si Kadingilan Local Disaster Risk Reduction Management Officer Sheen Therese Romo nga ila nang gitugyan ngadto sa mga principal ang pagpahiluna sa mga estudyanteng may classrooms nga dili na luwas himuan sa klase tungod sa dalang kadaut sa linog.
Apan giangkon ni Romo nga padayon pa gihapong nakasinati sa aftershocks nga may gikusgong 3.2 magnitude intensity 3 ang ilang lugar sama kagahapong adlawa.
