CAGAYAN DE ORO CITY-Gipadayon pa sa mga bombero ang pag-imbestigar sa pagkasunog sa dormitoryo sa Sacred Heart of Jesus Academy diha sa Brgy Bugo ning syudad sa miaging gabii.
Kini human unang gitoohan ang dinagkutan nga kandila sulod sa kuwarto ang hinungdan sa pag-ulbo sa sunog.
Gibutyag ni BFP investigator SFO2 Gilbert Mordeno nga samaron usab ang maestro nga si Eugenio Bongga Jr nga nagtinguha pagbalik sulod sa lawak diin nagsumikad ang kalayo.
Hinoon,wala na makadamay pa sa laing mga gambalay ang mga maong sunog.
Nagtala sa balor sa 200-mil ang inisyal nga structural damage sa maong sunog sa miaging Sabado sa gabii.
