School principal patay sa pagpamusil sa Maguindanao del Sur. Si Dionel Villabito Mahusay, principal sa Pendililang ES, gipatay sa Datu Saudi Ampatuan.

Namatay ang usa ka school principal human kini gipusil sa wala pa mailhing mga suspek sa Barangay Salbu, Datu Saudi Ampatuan, Maguindanao del Sur, pasado alas 8:15 sa buntag karong Miyerkules, Nobyembre 18, 2026.

Giila sa Police Regional Office-Bangsamoro Autonomous Region (PRO BAR) ang biktima nga si Dionel Villabito Mahusay, principal sa Pendililang Elementary School ug residente sa maong barangay.

Base sa inisyal nga imbestigasyon sa Datu Saudi Ampatuan Municipal Police Station, nagmaneho sa iyang minivan ang biktima human migawas sa ilang balay dihang kalit siyang giduolan sa wala pa mailhing mga suspek, nga dunay gilay-on nga mga 50 metros gikan sa ilang pinuy-anan.

Dinhi na matud pa siya gipusil sa makadaghang higayon sa nagkadaiyang bahin sa lawas, nga maoy hinungdan sa iyang hinanaling kamatayon.

Padayon pang gisuta sa kapulisan ang motibo sa maong pagpamusil. (raniel mahunyag)