CAGAYAN DE ORO CITY – Gipalig-on sa hugpong sa mga abogado sa Misamis Oriental ug Cagayan de Oro ang hukom nga gipakanaug sa 13 ka mahistrado sa korte suprema nga nag-ila nga dakong kasupakan sa konstitusyon ang impeachment case nga gipasaka sa mga kongresista batok kang Vicce Pres Sara Duterte.
Kini human gilugwa sa Intergrated Bar of the Philippines Board of Governors ang ilang opisyal nga pahayag diin nagsuporta sa gihimong deklarasyon nga unconstitutional ang proseso nga gigamit sa kamarabaha nga adunay upat ka impeachment cases ang gipasaka batok VP Sara sulod sa usa ka tuig.
Miingon si IBP-Misamis Oriental -CdeO chapter president Atty.Greg Pallugna nga kung unsa man ang gilugwa sa ilang national officials, susama nga baruganan usab ang gihuptan nila nga unang nakit-an sa taas nga hukmanan nga nga wala nasubay sa ensaktong proseso ang pagkaso kang VP Sara.
Dugtong niini,miduso na sa ilang hangyo sa rekonsiderasyon ang kamarabaha sa korte suprema diin gihataga’g napulo ka adlaw si VP Sara nga mohatag sa iyang tubag ayha hukman kung ibasura o adunay kausaban sa unconstitutional decision nga gipakanaug batok reklamo.
Hisayrang sa gilugwa usab nga mando sa korte suprema kagahapon, gibarugan nila nga ‘final and executory’ na ang pagpatay sa impeachment ug gipatubag na ang pipila ka govt officials sa gobierno sa kasong indirect contempt gumikan sa pagbatikos sa hukom nga nagpabor sa petisyon kang Duterte.
