CAGAYAN DE ORO CITY – Gipusil-patay ang 65 anyos nga tresurero sa kanhi nila kauban sa trabaho kinsa nagsilbing candidate pastor sa Seventh Day Adventist/SDA sa sulod sa compound sa ilang North Central Mindanao Conference Office sa Pacana-Gaabucayan Streets,Barangay 21 ning syudad.
Giila sa kapolisan ang biktima nga si Benjamin Mendez,minyo nga taga-Brgy Bulua ning syudad samtang ang gitudlong suspek si Jimboy Avista nga taga-Bukidnon.
Matud ni SDA-NCMCO Pastor Eddie Baang nga nagsumikad ang isyu sa pagka-diskobre sa giingong pipila ka kahiwian kabahin sa kuwarta nga gidugtong sa suspek hinungdan nga adunay gipatuman nga pag-disiplina gikan sa simbahan.
Siya miingon nga dayag sa tibuok simbahan ang atraso nga giatubang ni Avista rason nga giingong gipapha kini sa pagsilbing field worker sa SDA-NCMCO.
Dugtong niini,nasubo pag-ayo ang liderato sa nahitabo ug gitakdang mopalugwa sa opisyal nga pahayag kabahin sa gidangatan ni Mendez.
Gikan sa devotional session ang biktima dihang kalit gipusil-patay kaganihang buntag.
Sa pagkutlo ning balita, pabiling wala pa molugwa sa pahayag ang suspek kinsa gilayong mitahan sa PNP-CIDG 10 nga nakabase sulod sa Kampo Evangelista,Brgy Patag ning syudad.
Hisayrang mismo ang anak nga si Jedeiah Mendez ang nagsulti sa mga interbyu nga giingong nakadawat sa bahad sa kinabuhi ang ilang amahan ug mi-resulta pa sa pagkinasuhay tali sa suspek.
