CAGAYAN DE ORO CITY – ‘All set’ na ang formal handover ceremony sa hosting sa Pilipinas sa 2019 Southeast Asian Games nga himoon sa Malaysia ning adlawa.
Sa maong seremonya, opisyal nga dawaton sa Pilipinas ang SEA Games flame gikan sa kanhiay host nga Malaysia nga magsilbing sinugdanan sa countdown alang sa pagsugod sa regional meet sa Nob. 30.
Namahayag ang Philippine Southeast Asian Games Organizing Committee o PHISGOC, nga dawaton ni Philippine Olympic Committee board member Cynthia Carrion ang flame gikan kang Malaysia Olympic Committee Pres. Norza Zakaria.
Makauban ni Carrion ang Pinoy boxer nga si Ian Clark Bautista, taekwondo jin Pauline Lopez ug mayor sa Capas, Tarlac nga si Reynaldo Catacutan. Pagka-human sa seremonya sa Malaysia, dad-on ang torch sa Pilipinas aron masugdan ang torch relay.
Apil sa ruta sa mga torch relay ang Davao, Cebu, Manila, Clark, Kamarabaha, Senado ug Malakanyang.
