Pormal na nga gi-terminate sa kagamhanan sa Pangantucan ang search and rescue operation alang sa missing hiker nga si Alkharj Zamayla sa bukid sa Mt. Kalatungan.
Sumala ni PRO-10 Spokesperson PMAJ Joann Navarro, kini nga desisyon nakab-ot human sa napulo ug usa ka adlaw nga padayon nga pagpangita nga wala gayuy nakitang timailhan sa maong biktima.
Bisan pa man sa paggamit og mga drone ug K9 teams, giingon ni Navarro nga nagpabiling way nahipos nga impormasyon bahin sa nahimutangan ni Zamayla.
Tungod niini, ang maong operasyon nga gipahigayon sa mga awtoridad, militar, ug mga volunteer gihunong na human usab sa pag-uyon sa mayor sa maong lungsod.
