Ipadayon sa Department of Justice ug Philippine Coast Guard ang retrieval operations sa Taal Lake aron pangitaon ang lawas sa mga nawala nga mga sabungero nga giingong gilabog sa maong dapit.
Nagsugod ang operasyon niadtong Hulyo 11, ning tuiga, human sa pormal nga hangyo ni DOJ Secretary Jesus Crispin Remulla.
Gimando ni Remulla sa PCG ang deployment sa ilang mga technical divers, remotely operated vehicles (ROVs), ug unmanned aerial vehicles (UAVs) aron mas masusi ang lugar.
Usa ka sako ang narekober kagahapon ug gipaubos sa DNA test, ang gi-ingong mga bukog nga nakuha sulod sa sako.
Hinoon, gitin-aw sa DOJ nga wala pa mahibal-an kung bukog ba sa tawo ang narekober. Sa pagkakaron, gipaubos sa “ground zero” ang nasampit nga bahin sa Taal gumikan sa nagpadayong operasyon sa PCG.
