CAGAYAN DE ORO CITY-Nasugod na sa pagpangandam ang PNP-10 alang sa pagpadala sa ilang kandidata sa Search for Gandang Pulis sa Camp Crame sa Abril ning tuiga.
Kini human midaug sa regional level search si PO2 May Shell Jangayo Oro gikan sa City Public Safety Mobile Unit o CPSMU sa Cagayan de Oro City Police Office aron representahan ang PNP-Northern Mindanao sa kauluhan.
Miingon si COCPO spokesperson C/Insp Mardi Hortillosa nga garbo nila nga gikan sa syudad ang modala sa dungog sa PNP-10 alang sa coronation night sa Gandang Pulis 2018.
Si Oro ang nagsilbi usab nga Ms PNP BEAUTY AND BRAINS PAGEANT 2016 sa Apo View Hotel nga gihimo sa Davao City tuig 2016.
Hisayrang gihimo ang regional level search sa Camp Alagar diin sa mga kandidata gikan sa rehiyon, si Oro ang napili aron mo-representar sa kauluhan ning tuiga.
