CAGAYAN DE ORO CITY-Nagpasalamat ang Security of Exchange Commission o SEC-10 sa pagtuki sa Bombo Radyo sa kahanginan may kalabutan sa Kabus Padatu-on o KAPA investment scam.
Si SEC regional director Atty Reynato Egypto miingon nga human mabutang sa kontrobersya ang KAPA, daghang reports ang ilang nadawatan.
Gani, giawhag ni Egypto ang mga nabiktima sa investment scam nga modangop sa ilang buhatan aron ilang makasuhan.
Naglaum usab si Bislig City Police Station commander PCInsp. Ephraim Megreño nga naa pay dugang mga warrant of arrest batok sa KAPA founder nga si Joel Apolinario.
Siya miingon nga gawas sa 20 ka mga warrant of arrest nga giatubang ni Apolinario, dako iyang pagtoo nga daghan pa ang mga mosunod niini ilabina nga daghan ang nabiktima sa investment scam.
Dugang niini nga pabiling gawasnon si Apolinario tungod kay pulos bailable ang giatubang niini nga kaso.
