CAGAYAN DE ORO CITY – Dili angay ikasuko apan magpasalamat ang Kabus Padatoon o KAPA Community Ministry International Incoporated members nga gipugngan sa gobierno ang dugang ilegal nga nga kalihukan sa ilang mga kadagkuan pinaagi sa pagpangayo’g salapi nga gipatoo nga donasyon.
Kini human unang gibutyag ni Pres Rodrigo Duterte nga pyramiding scam ang kalihukan rason gimanduan ang NBI ug PNP-CIDG nga hingpit nang ipahunong ang kalihukan sa KAPA.
Miingon si Security and Exchange Commission regional director Atty Reynato Egypto nga pagsalbar sa kinitaan sa katawhan ang gihimo ni Duterte ug sa korte nga dili mapaingon sa mga tawo nga igo lamang nanapi ubos sa pagtakuban nga duol sa Ginoo.
Gipasabot ni Egypto nga dili absoloto nga magamit nga argumento sa KAPA ang nalatid sa konstitusyon nga ‘separate function’ sa simbahan ug estado.
