SEC Commissioner Atty Jayve Paul Francisco
CAGAYAN DE ORO CITY-Gialerto sa kadagkuan sa Security and Exchange Commission o SEC-Manila ang publiko sa mga tawo nga nangumbensir aron mahimong sakop sa grupong Kabus Padatu-on o KAPA.
Kini human ilha sa SEC nga ilegal ang gihimo sa maong grupo nga gipanguluhan sa ilang founder nga si Pastor Joel Apolinario nga unang nagsumikad sa Caraga Region.
Miingon si SEC Commissioner Atty Javey Paul Francisco nga walay bisan usa ka hugpong nga makahatag sa 30 porsiento nga return of investment sama sa gipatoo ni Apolinario.
Dugtong niini,gipasusi ni Francisco kang SEC regional director Atty Reynato Egypto ang report nga nakasulod na ang grupo ni Apolinario sa pipila ka bahin sa Bukidnon ug Misamis Oriental.
