CAGAYAN DE ORO CITY -Gitahasan kuyog sa paghangyo sa Security and Exchange Commission o SEC-Manila ang local govt units,kapolisan ug NBI nga tabangan sila ipatuman ang cease and desist order o CDO batok ilegal nga pagpangulekta’g money donation sa Kabus Padatoon o KAPA Community International Ministry Incorporated sa publiko.
Kini human wala tahura sa maong grupo ang CDO samtang dunggon unta ang apelasyon sa KAPA kon nganong dili angay i-kanselar ang ilang permit isip religious organization.
Namahayag si SEC-10 regional director Atty Reynato Egypto nga nagsumikad ang kamanduan gikan sa central office dihang gituki ang memo niini aron ipalig-on ang CDO batok KAPA.
Una niini,giklaro ni SEC nga bakak ang nagkatag sa social media nga naglugwa sa temporary restraining order o TRO ang korte sa General Santos City kay nangayo’g tabang ang KAPA aron pugngan ang CDO batok sa illegal collection sa mga donasyon.
