CAGAYAN DE ORO CITY-Molugwa sa laing public advisory ang Security and Exchange Commission o SEC kabahin sa giingong illegal nga kalihukan sa grupong Kabus Padatu-on o KAPA nga gipasiugdahan sa nagpailang pastor nga si Joel Apolinario.
Kini human unang milugwa ang report nga nakahimo na’g recruitment ang KAPA sa katawhan sa Manticao,Misamis Oriental ug Bukidnon.
Gibutyag ni SEC regional director Atty Reynato Egypto nga prioridad sa ilang kadagkuan ang pagtutok sa kalihukan sa KAPA nga unang nabulgar sa Bislig City ug General Santos City nga dunay kalihukan nga nakasupak sa balaod.
Nasayran nga nag-atubang sa kontrobesya ang KAPA tungod sa giingong ilegal nga kalihukan ngadto sa ilang pipila ka ginsakupan.
