CAGAYAN DE ORO CITY-Magpatuman sa bag-ong security guidelines ang provincial crisis committee sa tanang trabahante sa gobyerno ug mga sibilyan nga nakabase sa Marawi City,Lanao del Sur.
Kini ang gibutyag ni ARMM 1st District Assemblyman Zia Alonto Adiong sa Bombo Radyo dihang naigo sa saad nga bala sa caliber 50 machine gun ang ulo sa assistant regional director ng Civil Service Commission nga si Marvin Ablando sa bisinidad sa Mindanao State University Main Campus sa syudad.
Gibutyag ni Adiong nga gikaguol nila ang gidangatan ni Ablando apan dili nila kontrolado sa mga hitabo nga engkuwentro sa military forces batok sa nabiling teroristang Maute-ISIS.
Gibutyag ni Adiong nga ipatuman nila ang security calibration ilabina kon kada-adlaw na lamang ang kaso sa mga stray bullet nga moabot sa safe zone area sa Lanao province.
Naigo mismo sa ulo si Ablando hinungdan nga dead on arrival na kining nadangat sa Amai Pakpak Hospital.
Samaron usab ang kauban ni Sandra Arnica Usman dihang naigo sa saag gihapon nga bala.
Nasayran nga dili kini ang unang kaso nga may mga biktima sa saad nga mga bala apan daghan na nga naglakip sa Australian journalist,maestra ug batang Maranao-Muslim atol sa pagsaulog sa Ramadan kaniadtong bulan sa Mayo ning tuiga.
