CAGAYAN DE ORO CITY – Gipangunayan pagsusi ni Police Regional Office 10 Director Brig Gen Lawrence Coop ang duha ka pilgrimage sites nga kamulong gidagsaan sa mga deboto kay namalandong ug nanaad sa mga bukid sa Malasag sa Brgy Cugman ug Berhin sa Guadalupe sa tri-boundaries sa Tablon,Agusan ug Balubal ning syudad.
Kini aron masiguro nga anaa sa luwas ang seguridad sa mga deboto nga mitamod sa paghandom sa pasyon,kasakit,kamatayon ug pagkabanhaw sa Ginoong Hesu Kristo.
Miingon si Coop nga natagbaw siya sa seguridad nga gipatuman sa COCPO alang sa maong kalihukan.
Gawas dinhi sa syudad,lauman ang pagduaw usab ni Coop sa tropa sa pipila ka bahin pa sa Northern Mindanao.
Nilibo na ka deboto ang nakasaka sa bukid sa Malasag ug nakatabok sa siyam ka mga suba sa sa Berhin sa Guadalupe.
Samtang gihulat na usab sa matag-local govt unit officials sa Camiguin ang paghidangat sa mga turista nga tuyo mosinati sa tourist destinations ug sa mga manaad sa semana santa ning tuiga.
Kini maoy gisulti ni Bonbon Punong Brgy Christopher ‘Toping’ Rodriguez diin daghan sa pilgrimage sites ang nahimutang sa ilang lungsod sa Catarman sa maong probinsya.
Miingon si Rodriguez nga lauman nga makaabot sa walkway ang mga deboto unyang gabii ug hangtod ugmang adlawa.
Gibutyag usab sa opisyal nga naapektuhan pag-ayo ang ihap sa mga deboto nga gatabok sa Camiguin tungod sa pagkatukod sa ubang pilgrimage sites sa Misamis Oriental ug sa pagka-diskobre sa Berhin sa Guadalupe.
