CAGAYAN DE ORO CITY – Naplastar na ang tanan security deployment sa daghang religious site sa Misamis Oriental.
Sa pakighinabi sa Bombo Radyo kang MisOr Provincial Police Director Colonel Rolando Destura, iyang gibutyag nga mipakatag na silang dugang police deployment sa Balingoan port, Medina, Talisayan, Gingoog City ug sa El Salvador City.
Miingon si Col. Destura nga sagad dagsaon sa mga gapanaad ang Hinuklog sa Medina ilabe na matag Biyernes Santo.
Dili sab magpaulahi ang pagdagsa sa mga deboto sa Divine Mercy sa Ulaliman, El Salvador City.
Kuyog nga hapitan sa mga mulusad sa bisita Iglesia ang mga stations of the cross sa Sipaka, Talisayan ug Sibulig sa Gingoog.
