Gidayeg ni San Diego Police Chief Scott Wahl ang usa ka security guard sa Islamic Center sa San Diego isip usa ka fallen hero human niini nakig-engkwentro sa duha ka armadong lalaki aron mapanalipdan ang kapin 140 ka mga bata sulod sa mosque.
Matod sa mga otoridad, ang maong security guard misupak sa mga gunmen ug nakapugong sa posibleng mas grabe nga insidente pinaagi sa iyang paspas nga reaksyon.
Tungod sa iyang aksyon, napugngan ang mga suspek nga giingong mga tin-edyer ug napreserbar ang kaluwasan sa mga naa sulod sa mosque.
Gipadayag usab sa pulisya nga padayon ang imbestigasyon sa insidente aron matino ang tinuod nga motibo sa mga suspek.Ang maong hitabo nakapukaw og pagdayeg sa lokal nga komunidad isip simbolo sa pagkamaisugon ug sakripisyo alang sa uban.
