CAGAYAN DE ORO CITY-Han-ay ug andam na ang security plan sa kapolisan ug militar alang sa kapistahan sa Itom nga Nazareno ning syudad sa Enero 9 sunod tuig.
Kini human mohimo’g laing hugna sa security briefing ang kadagkuan sa Sr Jesus Nazareno Parish sunod semana
alang sa maong kalihukan.
Gibutyag ni C/Insp Mardi Hortillosa,tigpamaba sa Cagayan de Oro City Police Office o COCPO nga susamang gabayan sa seguridad ang ipatuman nila atol sa kapistahan sa Nazareno.
Gani,giila usab ni Hortillosa nga dako’g ikatabang ang deklarasyon sa martial law sa Mindanao aron masanta ang dautang mga grupo.
