CAGAYAN DE ORO CITY-Gikatag ang gatusan ka pulis sa Bukidnon Provincial Police Office sa mga kalsada alang sa himoong pagbisita ni Pres Rodrigo Duterte sa Malaybalay City, Bukidnon.
Panguluhan ni Pres Duterte ang inagurasyon sa ikaduha sa pinakadakong drug rehabilitation sa tibook nasud ang “Northern Mindanao Wellness and Reintegration Center” sa Brgy Casisang, Malaybalay Bukidnon.
Matud ni Police Supt. Alfredo Ortiz Jr, hepe sa Malaybalay City Police nga nakaalerto ug nakatambay na daplin sa dalan ang mga pulis aron malikayan ang himoong pagpanabotahe sa mga rebeldeng New Peoples Army nga aktibo sa Bukidnon area.
Samtang gitin-aw usab ni Sen Miguel Zubiri nga mahimong makapahimulos sa maong drug rehabilitation center ang drug dependents nga naggikan sa tibook Amihang Mindanao.
Gibutyag ni Zubiri nga dili lamang mga taga-Bukidnon ang makapahimulos niini.
Gani, gihulagway ni Zubiri ang maong lugar isip pinaka-gwapo ug kompleto sa pasilidad nga rehabilitation center.
