Gipahugtan karon sa Nazareno Parish Church ang seguridad human dunay usa ka babaye nga nakawatan sa iyang mga cellphone sulod mismo sa simbahan.
Matod ni Rev. Msgr. Nathaniel Lerio, ang pangulo sa parokya, gimando na nila sa ilang mga guwardiya nga bantayan og maayo ang mga tawo nga mosulod ug mogawas ilabi na sa mga adlaw nga adunay Santos nga Misa.
Dugang pa niya, bisan pa og nagpabiling abli ang pipila ka mga pultahan aron makasulod ang mga manimba, gibutangan na kini og mga boluntaryo aron malikayan ang pagpahimulos sa mga dautang tawo.
Hisayrang, duha ka cellphone ang nawala sa biktima ug gi-report na kini sa kapolisan aron mapalapdan ang imbestigasyon.
