CAGAYAN DE ORO CITY-Gituki sa Commission on Elections o Comelec -10 ang pinal nga mga lakang alang sa ipatuman nga seguridad sa Brgy ug SK elections sa Mayo 14 ning tuiga.
Kini human subli gipatawag sa Comelec ang militar ug kapolisan aron masuta kon may mga lugar nga angay ipaubos sa election watchlist areas o EWAS sa rehiyon.
Miingon si Comelec regional director Reynato Magbutay nga gihimo ang panagtagbo ilabina nga magsugod na ang campaign period sa mga kandidato ugmang adlawa.
