CAGAYAN DE ORO CITY – Gihugtan karon sa kapolisan ang gihatag nga seguridad ngadto kang City Mayor Klarex Uy ning syudad.
Kini human nagpatala ang iyang close-in security escort sa kapolisan kabahin sa nabantayan nga mga naka-motorsiklo nga taud-taod na nila nabantayan nga gasunod-sunod sa mga lakaw sa mayor.
Gibutyag ni Carmen Police Station commander Maj Mario Mantala Jr nga kamulo nila nga gi-validate ang maong obserbasyon ug gihatagan sa seryoso nga pagbantay ang mga kalihukan sa mayor.
Dumduman nga kamulo pa sa pagpangayo’g hustisya ang pamilyang Uy nunot sa pagpusil-patay sa ilang kamaguwangang anak nga si late Carmen Brgy Kag Roland Sherwin ‘Tawee’ Uy nga gipusil-patay sa ilang quarry site sa Brgy Pagatpat ning syudad sa miaging tuig 2021.
Hisayrang dunay nasikop nga giingong kanhi sakop sa sparrow unit sa rebeldeng New People’s Army o NPA nga gitudlo sa mga otoridad nga kabahin sa mipatay kang Tawee ug sa mismong quarry caretaker nga si Samuel Pabalan.
