CAGAYAN DE ORO CITY – Gipaniguro ni City Vice Mayor Jocelyn ‘Bebot’ Rodriguez nga dili maalanganin ang kahimtang ug seguridad sa mga sakop sa konseho ubos sa iyang liderato ning syudad.
Kini human gilaraw ni Rodriguez nga pabutanga’g balik bisan duha lang ka pulis ang bisinidad sa konseho ilabina sa higayon nga himoon ang regular session sa matag-adlaw’ng Lunes sa hapon.
Gibutyag sa bise-mayor nga tuyo lamang niini nga mapanalipdan ang mga sakop sa konseho kung pananglitan adunay pipila ka tawo nga may mga dautang tinguha sa mga opisyal sa dakbayan.
Siya miingon nga direkta niya kining ihangyo sa Cagayan de Oro City Police Office nga mabutanga’g balik alang sa maong katuyuan.
Gihimo ni Rodriguez ang lakang epekto sa dili maayong gidangatan sa bise-mayor sa lungsod sa Ibajay,Aklan sa Western Visayas diin gipusil-patay sa iyang gikalalis nga sakop sa sangguniang bayan sa miaging semana.
Gipasabot niini nga pagpaniguro lamang kini aron kalikayan nga kanunay’ng luwas mga lumilihok sa konseho.
Hisayrang sa dugay’ng panahon,adunay pipila ka personahe sa mga pulis ang ihimutang sulod sa konseho samtang nagpahigayon kaniadto ang bise-mayor ug mga konsehal sa ilang trabaho.
