Giatubang sa Senate Impeachment Court ang dakong hagit sa pagtimbang-timbang sa seguridad ug kamatuoran taliwala sa gilaumang testimonya ni Colonel Raymund Dante Lachica bahin sa confidential funds ni Vice President Sara Duterte.
Sumala ni Abogado nga si Atty. Samson So Tan sa Liceo de Cagayan University Law School, delikado kaayo para sa seguridad sa mga informant ug informer kung pugson nga ibutyag sa trial ang mga lakang sa maong chief security officer sa iyang pagdumala sa pondo.
Dugang pa sa gipadayag sa legal expert, dakong risgo kini sa nasud kung mahibal-an sa mga kaaway sa gobyerno ang pamaagi sa imbestigasyon batok sa mga rebelde ug uban pang naggubot sa katilingban.
Hinuon, pwedeng himoon sa usa ka executive session o pribadong dungog ang pagpatubag sa maong opisyal aron matultolan gihapon ang kamatuoran nga walay maapektohang kinabuhi .–
