CAGAYAN DE ORO CITY – Ipatuman pa sa Police Regional Office 10 ang mas hugot nga seguridad pinaagi sa overlapping checkpoints sa lower units alayon sa 16 ka adlaw na lang nga nabilin sa dili pa ang May 12 elections sa Northern Mindanao.
Miingon si PRO 10 Director Brig Gen Jaysen De Guzman nga dili nila gusto makadungog nga adunay mga sibilyan o mga kandidato nga mabiktima sa dugu-ong kreminalidad gumikan kay may mga tawo nga nakalusot sa pagdala-dala’g armas sulod sa panahon sa election period.
Siya miingon nga kabahin sa paagi nga masumpo ang election related incidents mao ang pagpakaylap sa puwersa sa nagkadaiyang bahin sa rehiyon sa tuyo nga dili makahigayon ang mga tawo nga adunay tinguha nga isabotahe ang proseso sa eleksyon.
Hisayrang sobra 8-mil ka pulis,sundalo ug force multipliers ang ikatag sa mismong adlaw sa piliay dinhi sa rehiyon.
