CAGAYAN DE ORO CITY – Naghulat na lang sa katumanan sa pag-obserbar sa mga santos ug kalag aron ipaubos na sa hugot nga seguridad sa city government ang dakbayan.
Kini subay sa pinakaulahi nga panagtagbo sa city hall department heads ug ubang ahensiya sa gobierno aron mahatagan sa igong pagbantay ang katawhan nga modalikyat sa nagkadaiyang menteryo sa maong mga adlaw.
Miingon si Nick Jabagat,manager sa City Disaster Risk Reduction and Management Department nga halos walay kabag-uhan sa ipatuman nga mga gabayan alang sa katawhan nga mosulod sa mga menteryo ilabina sa city memorial park sa Sitio Bolonseri,Brgy Camaman-an sa syudad.
Siya miingon nga tipik gihapon sa gidili ang pagdala sa mga dumuduaw sa bisan unsa nga kontrabando ug ang walay ipasulod nga bottled waters aron kalikayan nga ipangbilin lang sa bisan asa sa menteryo.
Pabiling kutob lang sa alas 10:00 sa kagabii ug wala gihapo’y overnight sa mga tawo aron masiguro ang pagmintinar sa kahusay’g kalinaw.
