CAGAYAN DE ORO CITY – Gipaniguro ni Cagayan de OrO City Police Office o COCPO City Director Col. Salvador Radam nga dili masubli ang kakulangon nga kaigmat sa seguridad sa kapolisan aron makahigayon ang dagkong mga tulisan paghimo’g kremin dinhi sa dakbayan.
Kini ang panganti ni Radam nunot sa dul-an magtuig na nga pagkatulis sa GOLD MEGA Jewelry Store sa merkado Cogon usa ka adlaw igo paglunsad sa Higalaay Festival sa miaging tuig.
Namahayag si Radam nga may gipatuman na sila nga adjustments aron wala na’y dinagkong tulis nga moigo sa dakbayan samtang saulugon ang kapistahan.
Apan sa miaging adlaw, laing pawnshop ang naigo sa pagpanulis sa Brgy Patag ning dakbayan.
