CAGAYAN DE ORO CITY – Kritikal ang kahimtang sa usa ka sekyu human nabanggaan sa usa ka motorista didto sa Maramag, Bukidnon.
Giila sa Maramag MDRRMC ang biktima nga si Erwin “Weng-weng ” Gayao, 19 anyos, minyo ug residente sa Purok 5, White Kulaman Kitaotao Bukidnon.
Nakahiagom ang biktima sa multiple injuries o pagkaliki sa bukog sa ulo dihang gidumbol sa motorista nga naila sa ngalang Mr. Lipadas ang iyang gimaneho nga Multicab nga may plakang LEX 465.
Lakip sa angol ang kapikas ni Lipadas nga si Jane, kinsa nakahiagom sa bun-og sa lawas dihang nadumbolan nila ang naka parking nga sakyanan sa biktima.
Saysay sa magti-ayon nga wala sila naka matikod sa multicab nga anaa sa sentrong bahin sa dalan kay alas 4 pa sa kadlawon niadtong tungura.
Base sa CCTV footage nga narekober sa MDRRMC, paspas ang padagan sa magtiayong motorista.
Si Gayao nagsilbing sekyu sa Southern Hospital sa Maramag, apan kasatangan kining nagpaalim sa Northern Mindanao Medical Center ug na koma.
