CAGAYAN DE ORO CITY – Patay ang usa ka sekyu human mabanggai winngvan truck sa Zone 4 Brgy Agusan ning syudad kagabii.
Giila ang biktima nga si Gerardo Pagubat Jr, 33-anyos, ulitawo nga taga-Brgy Mambayaan, Balingasag,Misamis Oriental.
Gibutyag ni Police Senior Master Sgt. Ryan Sevilleno, imbestigador sa Puerto Police Station nga sakay ang biktima sa iyang motorsiklo padulong sentro sa syudad apan na sideswipe sa truck nga miresulta sa iyang kamatayon sa maong lugar.
Gipangita pa sa mga otoridad ang wala pa mailang driver nga nakabangga sa biktima.
