CAGAYAN DE ORO CITY-Ipadayon sa kapolisan ang pag-imbestigar sa pagdunggab patay sa sekyu ug pagkaangol sa higala niini sa usa ka kan-anan diha sa Brgy 38 sa syudad kaganihang kadlawon.
Giila ang namatay’ng biktima nga si Alfe Saturno,ulitawo ug nagpuyo sa Brgy Tumbagon ug Rico Serrano nga residente sa Malaybalay City,Bukidnon.
Si Cogon Police Station case investigator PO3 Rommel Uayan nga hayan kasong murder ang ilang ipasaka batok mga suspek nga sila si Gary Sucaton nga taga-Brgy Dansolihon ug Vernel Madibo nga taga-Brgy Nazareth ning syudad.
Una nang miaparta si Saturno sa panaglalis apan kalit nanunggab si Sucaton ug Madibo hinungdan sa dugoon nga kremin.
Samtang gisugyot ni Scene of the Crime Operatives o SOCO medico legal officer C/Insp Dr Christian Caballes nga ipaubos sa otopsiya ang patay’ng lawas sa sekyu nga nadunggan sa mga suspek diha sa Brgy 38 sa dakbayan.
Si Caballes miingon nga nakaangkon sa lawom nga samad sa likod ang biktima sa taas nga kutsilyo diin milahos sa baga niini.
Samaron usab sa pagpanunggab sa mga suspek nga sila si Sucaton ug Madibo ang kauban ni Saturno nga si Serrano.
Si Serrano ang nadala sa ospital samtang si Sucaton ug si Vernel Madibo ang detinado sa mini-cell sa Cogon Police Station.
