CAGAYAN DE ORO CITY – Ibutang na lamang sa kalimot sa pamilya sa salvage victim nga si Allan Cabanes ang gidangatan niini diha sa Upper Puerto ning syudad.
Gibutyag ni Easter Cabanes Oliverio, igsoon sa biktima nga wala na sila mo-rekwes otopsiya sa iyang igsoon tungod sa kawad-on sa salapi ug wala usab sila’y i-kagasto pagpangita sa hustisya.
Saysay ni Oliverio nga but-an ang iyang igsoon nga sekyu ug ka sideline usab sa pag-uma.
Giangkon usab ni Easter nga kanhi piniriso ang biktima sa kasong rape diin nagpapatik nga sakop sa BM-29.
Samtang eksklusibong gibulgar sa ig-agaw sa suspected salvage victim ang ilang gitoohang responsable sa brutal nga pagpatay kang Cabanes ning syudad.
Gibutyag ni Arman Cabanes nga nagtoo siyang third party ang rason sa pagpatay sa iyang ig-agaw.
Miingon si Cabanes nga brutal ang paagi sa pagpatay sa iyang ig-agaw aron i-patoo sa responsable nga gobyerno ang naghimo niini ilabina nga may patik kini nga BM-29.
Samtang wala isalikway hinungdang giimbestigaran sa kapolisan ang anggulo nga love triangle ang hinungdan sa pagpatay sa sekyu ug gilabay nga sinulod sa sako ning syudad.
Gibutyag ni Puerto Police Station commander Maj Peter Tajor nga wala pa nila ihunong ang pag-imbestigar hinungdang nakig-koordinar sila sa pamilya sa biktima.
Una nang namahayag ang ig-agaw sa biktima nga posibleng may gika-relasyon kining babayeng minyo hinungdan nga gihinusan sa kinabuhi.
