CAGAYAN DE ORO CITY-Mag-atubang sa kasong kriminal ang sekyu nga giingong mibangga sa duha ka miembro
sa Roads and Traffic Administration RTA diha sa Recto Avenue sa syudad kagabii.
Kini human mihimo’g pag-left turn ang suspek nga si Ruel Nalasan nga taga- Brgy Patag duol sa dakong mall sa maong lugar.
Gisita ug gipangitaan kini’g papeles apan kalit nagpakusog padagan sa motorsiklo hinungdan nabangaan sila RTA enforcers Edmar Quibod ug Charlito Pimentel.
Miingon si RTA enforcer Annie Klien Te nga gusto nila ipatagam ang suspek pinaagi sa pagkaso sa korte.
Una niini,nagpatulo sa mga luha ang suspek nga unta dili siya prisohon kay gagmay pa ang iyang mga anak.
