CAGAYAN DE ORO CITY-Walay foul play nga nakita ang kapolisan sa kamatayon sa sekyu diha sa Zone 2, San Lapasan ning syudad.
Giila ni Agora Police Station commander Police C/Insp Julius Clark Macariola IV ang namatay nga si Randy Paquiler Mapit, 23-anyos, taga Zamboanga del Sur ug miyembro sa Saguittarius Security Agency.
Matud ni Macariola nga igo lang nakita sa tag-iya sa boarding house nga wala nay kinabuhi ang biktima sulod sa gi-abangan niini nga kwarto.
Dako ang ilang pagtoo nga namatay kini tungod sa iyang gihambin nga balatian ilabina nga walay nawala kaniya nga gamit.
