CAGAYAN DE ORO CITY – Gihimakak sa usa ka sekyu nga kini ang nagpusil-patay sa 26 anyos nga ulitawo diha sa Purok 6,Sitio Baloy,Brgy Tablon ning syudad kagabii.
Kini human akusahi si Edwin Molejon,47 anyos,minyo nga taga-susama nga dapit nga maoy mipusil sa biktima nga si Mark Anthony Fernandez gamit ang kalibre 38 nga armas.
Gibutyag sa suspek nga wala siya kaila sa biktima rason nga imposible nga kini ang mihimo sa kremin.
Si Fernandez ang naigo sa likod ug milahos sa dughan hinungdan sa kamatayon niini.
Una nang migawas ang anggulo nga tungod sa pagpakig-relasyon sa biktima sa babayeng minyo,gipatay kini sa suspek.
