CAGAYAN DE ORO CITY-Kasuhan sa kapolisan sa pagpatay ang sekyu nga mipusil sa ambulance driver human sila nagkalalis sulod sa Saint Paul Hospital sa Tagolan,Misamis Oriental.
Kini human nasikop sa pursuit operation sa kapolisan ang suspek nga si Ronnel Loyohoy,25 anyos,ulitawo nga taga-Malitbog,Bukidnon sa maong lungsod kagahapon sa hapon.
Gibutyag ni C/Insp Allan Oniana,hepe sa Tagoloan Police Station nga nasikop ang suspek dihang mitago sa iyang balay sa Bukidnon.
Nagka-ginukdanay pa ang kapolisan ug suspek ayha hingpit nadakpan.
Unang gipusil sa suspek ang biktima nga si Sedney Sabejon,44 anyos dihang subli nagkalalis ang duha sa miaging gabii.
