Nagmalinawon ang pagsugat sa bag-ong tuig sa tibook dakbayan sa Cagayan de Oro, segun sa assessment sa Cagayan de Oro City Police Office (COCPO). Namahayag si COCPO Spokesperson Police Captain Emelita Simon nga subay sa 24 oras nga monitoring sa kapulisan, negatibo sa dakung kagubot, sa tibook 24 oras ang syudad, ilabe na sa paghagtok sa alas-12 ang takna sa kadlawon sa Enero-1. Na-obserbahan usab sa kapulisan nga ang katawhan mismo mikooperar sa balaod ilabe na sa pagdili sa pagpamaligya, ug pagpabuto sa ilegal nga pabuto. Miingon si Simon nga gipasalamatan ni COCPO City Police Director – Police Colonel Dexter Paje ang tanan on-duty personnel kahapon, kay tungod sa ilang dedikasyon ug ti-unay nga paghatag seguridad, milampos ang ilang oragnisayson sa ilang tumong sa Ligtas Pakuhan 2025 kundiin, lakip niini ang pahatag seguridad sa pagsugat sa Bag-ong Tuig.
