Gipahimangnoan sa kapulisan ang mga police trainee ug ang mga nagtinguha nga magpulis nga kinahanglang magbaton og hiyas nga mahadlokon sa Ginoo aron masiguro nga maayo ang ilang matag lihok.
Gihimo ni Misamis Oriental Provincial Police Office Public Information Officer Police Major Geraldine Botanas ang maong pagpasidaan kalabot sa kontrobersiyal nga kaso sa pagpanglugos nga gitudlo nga gihimo sa pipila ka mga police trainee.
Gidugang pa ni Botanas nga kinahanglang naa kanunay ang self-discipline sa matag usa tungod kay accountable ug responsable sila sa tanan nilang buhaton.
Subay sa imbestigasyon sa maong kaso, gibutyag sa opisyal nga aduna usab atubangon nga mga silot ang mga team leader sa Field Training Program tungod sa nahitabong insidente.
