CAGAYAN DE ORO CITY – Personal nga disiplina ang gikinahanglan aron makalikay sa sugal ug nakahimo sa dagkong krimen.
Kini ang abiso ni COCPO deputy spokeperson Police Captain Emelita Simon tali sa mga tawong nahimong adik sa pagdula sa online sugal.Usa sa gihimong pananglitan ni Simon ang pagtigbas sa usa ka bana sa iyang asawa sa Green heights, Brgy.Balulang tungod lamang sa pagbadlong sa iyang kapikas aron mu-undang sa sugal.
Sa nahitabong komprotasyon sa asawa, walay swerte kining gitigbas sa iyang bana gumikan sa kasuko kay napildi sa pagdula sa sikat nga online gambling game nga scatter.
Giila sa kapulisan nga daku ang ikatabang sa National Telecommunications Commission ug Department of Information and Communications Technology sa pagpatgang sa mga online sugal.