“I miss him so much”.
Kini ang mubo nga mensahe ni Senador Ronald Bato dela Rosa kang kanhi Presidente Rodrigo Duterte.
Sa exclusive interview sa BOMBO RADYO mi-angkon si dela Rosa nga gimingaw siya sa guidance sa kanhipresidente sa mga panahon nga nagkalisud siya niadto.
Maoy nakapasakit sa iyang buot nga wala sa iyang kiliran ang kanhi presidente niining panahon nga grabe ang iyang gibating kalisdanan.
Gawas kang kanhi Presidente Duterte iya usab gitubag nga “no comment” ang iyang mensahe kang presidente Bongbong Marcos, kanhi speaker Martin Romualdez ug kanhi Senador Antonio Trillanes IV.
Sa pikas bahin, iyang gihulagway si Senate Presidente Alan Cayetano isip “brilliant” nga pagkatawo, samtang si Senador Imee Marcos iyang gitawag nga ate.
Sa katapusan, iyang gitratar si Vice President Sara Duterte isip kaugmaon o “future” sa Pilipinas.
